Rannsóknahópur - Norrænt rannsóknanet um skemmtiskiparannsóknir

Norrænt rannsóknanet um skemmtiskiparannsóknir – Nordic Cruise Research Network, NCRN - var stofnað snemma árs 2018.

Markmið rannsóknanetsins er að verða sameiginlegur vettvangur fræðimanna sem sinna og/eða hafa áhuga á rannsóknum sem tengjast skemmtiskipum í Norðri. 

Með tilurð netsins verða til samskiptaleiðir sem gerir rannsakendum kleift að viðhalda tengslum og skapa ný, eiga í samskiptum, ræða niðurstöður rannsókna og hugmyndir að nýjum rannsóknarefnum tengdum umferð skemmtiskipa og ferðaþjónustu þeim tengdum.

Atburðaskrá

• Snemma árs 2020 sendi hópur rannsakenda, í nafni NCRN, tillögu að málstofu á 29 málþingi norrænna rannsakenda á ferðamennsku og -þjónustu 29th Nordic Symposium of Hospitality and Tourism Research á Akureyri haustið 2020. Yfirskrift málstofunnar var Arctic Cruise Tourism: moving towards sustainable practices and governance 

• Síðla árs 2019 sendi hópur rannsakenda í nafni NCRN, tillögu að málstofu um skemmtiskiparannsóknir á tíunda alþjóðlega þing félagsvísindamanna á norðurslóðum (e. International Congress of Arctic Social Science - ICASS X) í Arkhangelsk, Rússlandi 15.-20. júní 2020. Málstofuheiti: Caring for Arctic cruise tourism: learning from success and failure in search for sustainability

• Snemma árs 2019 sendi hópur rannsakenda í nafni NCRN umsókn í norskan samkeppnissjóð, The Norwegian Cooperation Program in Higher Education with Russia (NORRUSS). Sótt var um fjárframlag til viðamikillar samanburðarrannsóknar á ýmsum áhrifum koma skemmtiferðaskipa á Norður Atlantshafssvæði norðurslóða (Rússland, Noregur, Ísland, Grænland). Snemma árs 2020 var tilkynnt að rannsóknin hefði hlotið fulla fjármögnun og mun rannsóknin standa yfir frá júní 2020 til júní 2023.   

• Haustið 2018 stóð hópur rannsakanda í nafni NCRN, að málsstofu á 27. árlega málþingi norrænna rannsakenda á ferðamennsku og -þjónustu 27th Nordic Symposium of Hospitality and Tourism Research. Yfirskrift málstofunnar var Maritime tourism and sustainability: An interdisciplinary and multidisciplinary research agenda.

Smellið hér til að skoða lista yfir þátttakendur NCRN netsins

Nánari upplýsingar veitir Þórný Barðadóttir (thorny@rmf.is), sérfræðingur á RMF