Áhrif Bolaölduvirkjunar á ferðaþjónustu og útivist

Rannsókn sem unnin var af RMF um áhrif Bolaölduvirkjunar á ferðaþjónustu og útivist á svæðinu. Umsókn um virkjunarframkvæmdir á svæðinu við Bolaöldu kom frá fyrirtækinu Reykjavík Geothermal og var til umfjöllunar í áfanga 5 í rammaáætlun Umhverfis- orku og loftslagsráðuneytisins sem var verkkaupi þessa verkefnis.

Rannsóknin byggði á viðtölum við ferðamenn, útivistarfólk og ferðaþjónustuaðila sem nýta sér eða starfa innan eða í nálægð við rannsóknasvæði fyrirhugaðra virkanaframkvæmda, ásamt greiningu á fyrirliggjandi gögnum. Rannsóknasvæðið nær yfir um 65km2 svæði sunnan Bolaöldu og liggur að mestu leyti innan sveitarfélagsins Ölfuss.

Verkefnið hófst í júní og því lauk í nóvember 2023. Skýrslu með helstu niðurstöðum rannsóknarinnar má nálgast HÉR.

Rannsókninni var stýrt af RMF en Rannsóknamiðstöð Háskólans á Akureyri (RHA) kom inn í þann hluta verkefnisins sem snýr að útivist á svæðinu.

Verkefnastjórar f.h. RMF voru Vera Vilhjálmsdóttir [verav@rmf.is] og Guðrún Þóra Gunnarsdóttir [gudrunthora@rmf.is] en auk þeirra komu Eyrún Jenný Bjarnadóttir, sérfræðingur RMF og Hjalti Jóhannesson, sérfræðingur RHA, að verkefninu.