Nýr hlutastarfsmaður hjá RMF

Rannsóknamiðstöð ferðamála hefur fengið meistaranemann Gyde Rudolph til þess að aðstoða við rannsóknina Lýðvísindi í Hvalaskoðunarferðum: leið til aukinnar sjálfbærni og samkeppnishæfni?

Gyde er um þessar mundir að ljúka meistaranámi sínu í Sea and Society við Gautaborgarháskóla, þar sem hún einbeitir sér að rannsóknum á núverandi hafkerfum og verndun þeirra. Sérstaklega beinist nám hennar að því að skilja mannlega hegðun í félagsvistkerfi strandar og hafs. Hún er með BA-gráðu í enskum fræðum og sjálfbærri þróun og hefur aflað sér reynslu í hafrannsóknum og bláa hagkerfinu í gegnum starfsnám hjá Íslenska Sjávarklasanum og Rannsóknasetri Háskóla Íslands á Húsavík. Rannsóknir hennar fjalla um samband manna og hafs, umhverfismennt og verndun hafsins.

Í meistararitgerð sinni rannsakar hún hvernig starfsemi hvalaskoðunarfyrirtækja á Íslandi og í Noregi stuðlar að náttúruvernd, mótar skynjun almennings á lífríki sjávar og styrkir samvinnu milli ferðaþjónustu og vísindarannsókna.

Hjá RMF mun Gyde vinna undir leiðsögn Ásu Mörtu Sveinsdóttur, sérfræðingi hjá RMF. Þær munu vinna saman að því að rannsaka samstarf hvalaskoðunarfyrirtækja og rannsakanda, með áherslu á lýðvísindi. Þær munu greina hvata, áskoranir og ávinning slíkrar samvinnu, með sérstaka áherslu á hlutverk hennar í að efla umhverfisvitund og stuðla að ábyrgri ferðamennsku.