Fréttir

Aðalfundur RMF var haldinn miðvikudaginn 31. maí í Hrísey. Venjuleg aðalfundarstörf voru á dagskrá fundarins en auk þess urðu breytingar í stjórn.

Rannsóknadagur RMF var haldinn í 10. sinn miðvikudaginn 17. maí í Hvammsvík. Í ár hittust 7 doktorsnemar ásamt leiðbeinendum og öðrum sérfræðingum og kynntu rannsóknir sínar og stöðu þeirra.

Í lok apríl var haldinn tveggja daga verkefnafundur í Erasmus+ verkefninu We Lead sem miðar að því að efla leiðtogahæfni kvenna í ferðaþjónustu. RMF leiðir verkefnið en samstarfsaðilar koma frá fimm fyrirtækjum og menntastofnunum á Íslandi, Danmörku, Írlandi og Spáni.

Kallað er eftir ágripum erinda fyrir ráðstefnuna 31st Nordic Symposium on Tourism and Hospitality sem haldin verður í Östersund í Svíþjóð dagana 19.-21. september 2023.

Ný skýrsla RMF sem fjallar um ávinning og áskoranir skemmtiskipa ferðamennsku á Ísafirði er komin út. Í skýrslunni eru kynntar niðurstöður gagnasöfnunnar sem fór fram á Ísafirði 2021-2022.

Í gær veittu Samtök ferðaþjónustunnar (SAF) og Rannsóknamiðstöð ferðamála (RMF) verðlaun fyrir framúrskarandi lokaritgerð um ferðamál á Íslandi. Guðný Ljósbrá Hreinsdóttir hlaut verðlaunin í ár.

Í síðustu viku var vinnufundur í TourNord samstarfsnetinu haldinn í Bergen, Noregi þar sem rædd voru þemu á borð við seiglu ferðaþjónustufyrirtækja, nærandi ferðaþjónustu og troðnings ferðaþjónustu.

RMF hlaut rannsóknarstyrk frá Rannsóknasjóði Vegagerðarinnar til þess að vinna að verkefninu: Er ferðaþjónusta málið? Greining á hlutverki Vegagerðarinnar í sjálfbærri uppbyggingu áfangastaða og ferðaleiða á Íslandi.

Rannsóknamiðstöð ferðamála leitar eftir meistaranema í hlutastarf í sumar. Um er að ræða hlutastarf í 5 vikur sem dreift verður yfir sumarið. Gert er ráð fyrir að nemi hefji störf í byrjun júní en nákvæm tímasetning er samkomulagsatriði. Rannsóknin snýr að ábyrgri eyjaferðaþjónustu í Hrísey og Grímsey þar sem markmiðið er að leggja grunn að gerð sjálfbærrar áfangastaðaáætlunar. Verkefni nema mun snúa að gagnasöfnum, vettvangsferðum, innslátt og úrvinnslu gagna, og þátttöku í skýrslugerð.

Tímaritið Ferðamál á Norðurslóðum (FerNor) er nú opið fyrir innsendingu fræðigreina um ferðamál og ferðaþjónustu á norðurslóðum. FerNor er rafrænt, gjaldfrítt tímarit sem gefið er út í opnum aðgangi.